Croeso i wefan CAA

Asiantaeth gyhoeddi addysgol sy'n rhan o Brifysgol Aberystwyth yw'r Ganolfan Astudiaethau Addysg (CAA). CAA yw un o'r cyhoeddwyr addysgol mwyaf yng Nghymru. Mae'r wefan hon yn cynnwys catalog chwiliadwy o'n cyhoeddiadau. Gallwch danysgrifio i'n e-restr i gael newyddion am ychwanegiadau i'r catalog yn awtomatig.
Mwy am waith CAA...

Newyddion o CAA

Lansio nofel dditectif 'Y Jaguar Glas Tywyll' yng Ngwyl Bedwen Lyfrau 2009

Ddydd Sadwrn, yr 2il o Fai, roedd CAA yn lansio nofel dditectif ar gyfer pobl ifanc 10-14 oed – 'Y Jaguar Glas Tywyll' – yng Ngwyl Bedwen Lyfrau 2009.

Cynhaliwyd y lansiad yng Nghanolfan Arad Goch, Aberystwyth, ac Elgan Philip Davies, awdur y nofel, oedd y siaradwr gwadd. Bu ditectif preifat o ganolbarth Cymru yn adrodd hanesion difyr am ei waith ef yn ystod y lansiad hefyd.

















Nofel am fachgen 15 oed, Gethin Evans, sy'n ffansïo'i hun fel tipyn o dditectif yw 'Y Jaguar Glas Tywyll'. Mae swydd dros yr haf gyda Margam Powell, Gwasanaeth Ymholi Personol, yn apelio ato, ond prin bod dychymyg byw Gethin hyd yn oed wedi rhagweld yr hyn sy'n digwydd ar ôl ei gyfweliad. Gyda help Caryl, mae Gethin yn rhoi ei sgiliau ditectif ar waith.

Dywedodd Lynwen Rees Jones, Cyfarwyddwr y Ganolfan Astudiaethau Addysg:
“Gan fod gwyl y Fedwen Lyfrau yn cael ei chynnal yn lleol i ni eleni yn Aberystwyth, roedden ni'n teimlo y byddai'n gyfle da i lansio'r nofel dditectif newydd hon gan awdur lleol. Roedd y bobl ifanc a fynychodd y digwyddiad yn amlwg wedi mwynhau eu hunain yn arw yn gwrando ar yr awdur a'r ditectif yn sôn am eu gwaith diddorol.”
















Mwy o newyddion...

Cyhoeddiadau newydd

Caneuon i Bob Tymor
Mark & Helen Johnson
15 o ganeuon newydd gwych ar gyfer plant ysgolion cynradd. Mae llyfr a CD yn rhan o’r pecyn. Caiff y caneuon eu canu gan blant ysgolion cynradd ar y CD, a cheir hefyd draciau cyfeiliant llawn arno. Addasiad Cymraeg o ‘Songs For Every Season’ (Out of the Ark Music).
£22.95 Catalog

Ychwanegu at archeb:  Nifer

---

Y Jaguar Glas Tywyll
Elgan Philip Davies
Mae Gethin Evans, 15 oed, yn ffansïo’i hun fel tipyn o dditectif. ’Dyw hi ddim yn syndod felly fod swydd dros yr haf gyda Margam Powell, Gwasanaeth Ymholi Personol, yn apelio ato. Ond prin bod dychymyg byw Gethin hyd yn oed wedi rhagweld yr hyn sy’n digwydd ar ôl ei gyfweliad. Gyda help Caryl, mae Gethin yn rhoi ei sgiliau ditectif ar waith. Pam bod Jackie am fynd i weithio i Margam Powell? Beth yw ei chysylltiad â Wynways Construction? Pwy sy’n gwybod beth am y datblygiad tai? Ai’r jaguar glas tywyll fydd yn eu tywys at wraidd y dirgelwch?
£6.00 Catalog

Ychwanegu at archeb:  Nifer

---

Chwilio am deitl

Chwilio manwl